致ICU 各医生、护士及工作人员:

你好!  喺 月 做心漏手术，手术后，医生告知其实个窿实际有1cm 大，庆幸系手术能顺利完成。

我家  都算系一个坚强嘅小妹妹，不过就脾气大啲，力又大啲。手术后，  嚟到ICU休养，讲真，我呢个新手妈妈，真系好担心，唔系唔信大家嘅专业，而系怕咗自己个野蛮囡，因为我绝对相信只要佢稍为清醒就手多多，搅吓呢样搅吓果样，最怕就系自己拔走啲喉，所以我 &老公提出若果我哋嘅出现会增加你哋工作量，我哋宁愿唔入，但接待我哋嘅护士毫不考虑就答”无问题”，果然系见惯大场面。

多谢各位喺  住院期间嘅悉心照顾，所以佢短短两日就可以转普通病房。我知道  住院期间一定有唔合作嘅情况，在此多谢大家见谅亦感恩  可以遇到一班专业、有爱心嘅医护及工作人员。

疫情期间，你哋更加系市民嘅重要资产，希望你哋个个都龙精虎猛、百毒不侵，感激你们的帮助。

  家长敬上