致ICU 各醫生、護士及工作人員:

你好!  喺 月 做心漏手術，手術後，醫生告知其實個窿實際有1cm 大，慶幸係手術能順利完成。

我家  都算係一個堅強嘅小妹妹，不過就脾氣大啲，力又大啲。手術後，  嚟到ICU休養，講真，我呢個新手媽媽，真係好擔心，唔係唔信大家嘅專業，而係怕咗自己個野蠻囡，因為我絕對相信只要佢稍為清醒就手多多，攪吓呢樣攪吓果樣，最怕就係自己拔走啲喉，所以我 &老公提出若果我哋嘅出現會增加你哋工作量，我哋寧願唔入，但接待我哋嘅護士毫不考慮就答”無問題”，果然係見慣大場面。

多謝各位喺  住院期間嘅悉心照顧，所以佢短短兩日就可以轉普通病房。我知道  住院期間一定有唔合作嘅情況，在此多謝大家見諒亦感恩  可以遇到一班專業、有愛心嘅醫護及工作人員。

疫情期間，你哋更加係市民嘅重要資產，希望你哋個個都龍精虎猛、百毒不侵，感激你們的幫助。

  家長敬上