Sir，

感恩係小朋友治療路上遇到你，由最初唔敢相信，唔想接受，情緒低落嘅時候，有你嘅支援，理性解釋，感性開解，當時你穩定咗我同爸爸嘅心情。

治療路上我哋面對咗唔同嘅挑戰，心情有如過山車上落，有幾次不由自主對住你大哭，你永遠比到我力量同勇氣繼續前行。

人生中遇到呢啲考驗確實唔容易，記得最初對你嘅印象只係一位男性嘅社工，當時心中有一咗一個前設，未必可以好放心將自己嘅情緒同感受抒發出來，透過同你傾談，真切感受到你對工作嘅熱誠同對家長嘅關顧，真係好想同你講你真係好勝任你嘅工作，專業且有耐心，呢段時間你提供咗好多準確同實用嘅資訊比我哋，釋除咗我哋好多嘅擔心，心裡踏實咗唔少，經歷過之後真正明白幸福唔係必然，身邊人同事都值得我哋去珍惜。心中盡是感恩、無言感激，多謝您。

我哋一家係艱難嘅時候認識到你，係我哋嘅福氣，你嘅真誠待人同善心感動咗我同爸爸。

衷心祝福你工作輕鬆，家庭愉快，身體健康！

唯以心相交，方能承其久遠
人越善，天越愛
心越善，福越來
但願大家都係一個有福的人

（送上一個小小的鎖匙扣跳跳虎，好似  咁跳跳紮）

  ,    and