Sir，

感恩系小朋友治疗路上遇到你，由最初唔敢相信，唔想接受，情绪低落嘅时候，有你嘅支援，理性解释，感性开解，当时你稳定咗我同爸爸嘅心情。

治疗路上我哋面对咗唔同嘅挑战，心情有如过山车上落，有几次不由自主对住你大哭，你永远比到我力量同勇气继续前行。

人生中遇到呢啲考验确实唔容易，记得最初对你嘅印象只系一位男性嘅社工，当时心中有一咗一个前设，未必可以好放心将自己嘅情绪同感受抒发出来，透过同你倾谈，真切感受到你对工作嘅热诚同对家长嘅关顾，真系好想同你讲你真系好胜任你嘅工作，专业且有耐心，呢段时间你提供咗好多准确同实用嘅资讯比我哋，释除咗我哋好多嘅担心，心里踏实咗唔少，经历过之后真正明白幸福唔系必然，身边人同事都值得我哋去珍惜。心中尽是感恩、无言感激，多谢您。

我哋一家系艰难嘅时候认识到你，系我哋嘅福气，你嘅真诚待人同善心感动咗我同爸爸。

衷心祝福你工作轻松，家庭愉快，身体健康！

唯以心相交，方能承其久远
人越善，天越爱
心越善，福越来
但愿大家都系一个有福的人

（送上一个小小的锁匙扣跳跳虎，好似  咁跳跳扎）

  ,    and